«Ռուսական գրքի տուն»-ը բազմաֆունկցիոնալ հասարակական, մշակութային և կրթամշակութային կենտրոն է: Այն իր մեջ ներառում է հանրային գրադարան, գրախանութ, սրճարան: Սոցիալական, մշակութային և կրթական միջոցառումների հարթակ է։
«Ռուսական գրքի տուն»-ը բացվել է 2021 թ․ սեպտեմբերի 17-ին՝ Ռուսաստանի «Եվրասիական հետազոտությունների ինստիտուտ» հիմնադրամի նախաձեռնությամբ և «Messier group» ընկերությունների տնօրենների խորհրդի նախագահ Մհեր Ավետիսյանի ջանքերով։
«Ռուսական գրքի տուն» կենտրոնի ստեղծման գործում մեծ ավանդ ունեն նաև Ռուսաստանում գործող «Վեչե» հրատարակչութունը, Ռուսաստանի գրահրատարակիչների միավորումը, Հայաստանի և Ռուսաստանի մի շարք պետական ու հասարակական կազմակերպություններ։
Երևանի «Ռուսական գրքի տուն»-ը արտասահմանում գործող միակ կենտրոնն է, որն ունի Սանկտ-Պետերբուրգի Բ․ Ելցինի անվան Նախագահական գրադարանի ավելի քան 200 000 տարբեր բնույթի արխիվային նյութերից անժամկետ օգտվելու հնարավորություն:
Ստեղծման օրից «Ռուսական գրքի տուն»-ը դարձել է հայկական և ռուսական մշակույթների միավորման կենտրոն: Երկրների, որոնք կապված են բազմադարյա պատմությամբ: Հոգևոր արժեքների ընդհանրության, ավանդույթների և բարեկամության վրա հիմնված սերտ եղբայրական հարաբերություններով։
![](https://homerusbook.am/wp-content/uploads/2022/10/drk-7-1024x685.jpg)
![](https://homerusbook.am/wp-content/uploads/2022/10/drk-16-1024x679.jpg)
![](https://homerusbook.am/wp-content/uploads/2022/10/resized-1-1024x674.jpg)
«Ռուսական գրքի տուն»-ը մշակութային եզակի հարթակ է, որը միավորում է տարբեր սերունդների, մշակույթների ու աշխարհահայացների տեր մարդկանց։ Այստեղ բոլորը կարող են ստեղծագործական միջավայրում ծանոթանալ ռուսական և արտասահմանյան գեղարվեստական, վավերագրական, պատմական, կենսագրական, ռազմական, փիլիսոփայական, աշխարհագրական, մանկական գրականության հետ։ Պարբերաբար կազմակերպվում են հանդիպումներ արվեստի և գրականության գործիչների հետ, Հայաստանի ու Ռուսաստանի մշակույթին ու գեղարվեստին նվիրված ցուցահանդեսներ։
Իր գործունեության ընթացքում «Ռուսական գրքի տուն»-ը ակտիվ կերպով իրագործում է բազմաթիվ գիտակրթական, մշակութային, լուսավորչական ծրագրեր, մրցույթներ, նախագծեր։
![](https://homerusbook.am/wp-content/uploads/2022/10/309590516_524039169455083_8984400407948416757_n-1.jpg)
![](https://homerusbook.am/wp-content/uploads/2022/10/drk-19-1536x1021.jpg)
![](https://homerusbook.am/wp-content/uploads/2022/10/sized-1l-768x643-1.jpg)
Ընդամենը մեկ տարվա մեջ այն դարձավ սիրելի վայր, ռուսերենը, ռուսական գիրքն ու մշակույթը սիրող՝ երևանցիների և հյուրերի համար։ Սա սովորական գրադարան կամ գրախանութ չէ՝ այստեղ միշտ տիրում է բարյացակամության, հարգանքի, բարեկամության յուրահատուկ մթնոլորտ։
«Ռուսական գրքի տուն»-ը միշտ ուրախ է Ձեզ տեսնել։
Մեր գործընկերները
![](https://homerusbook.am/wp-content/uploads/2022/09/lev150.jpg)
![](https://homerusbook.am/wp-content/uploads/2022/09/veche.jpg)
![](https://homerusbook.am/wp-content/uploads/2022/09/black.jpg)
![](https://homerusbook.am/wp-content/uploads/2022/09/1photo_2022-09-25_16-07-08.jpg)
![](https://homerusbook.am/wp-content/uploads/2022/09/1photo_2022-09-25_16-07-15.jpg)