1.      Ընդհանուր դրույթներ

• Սույն կարգը (այսուհետ` Կարգ) սահմանում է «Հայաստանի առաջնորդներ» հանրային երիտասարադական մրցույթի (այսուհետ` Մրցույթ) անցկացման կարգը, այդ թվում` Մրցույթին մասնակցության և առաջնորդության աշխատանքների իրականացման պայմանները, մասնակիցերի թեկնածությունների գնահատման չափորոշիչները:
• Մրցույթի կազմակերպիչն է Երևանի «Ռուսական գրքի տունը»։ Մրցույթը իրականացվում է Հայ-ռուսական գործարար խորհրդի հետ համագործակցությամբ:
• Մրցույթի,  վերջինիս նպատակների, խնդիրների և անցկացման   պայմանների մասին թիրախային լսարանին  տեղեկացնելը և ծանուցելը  վերապահված է մրցույթի կազմակերպչին  և համագործակիցներին:

2.      Մրցույթի անցկացման նպատակները և խնդիրները

• Մրցույթը նպատակ ունի բացահայտել Հայաստանի ապագա առաջնորդներին և նպաստել նրանց առաջնորդական կարողությունների բացահայտմանը ու մասնագիտական առաջընթացի ապահովմանը` ի շահ Հայաստանի սոցիալ-տնտեսական զարգացման և տարածաշրջանային ու միջազգային ինտեգրացիայի։
• Մրցույթը խնդիր ունի.

• Պայմաններ ստեղծել սոցիալ-տնտեսական, նոր տեխնոլոգիանների և պետական կառավարման ոլորտներում Մրցույթի մասնակից երիտասարդների գիտելիքների կիրառման, առաջնորդական կարողությունների դրսևորման և Հայաստանում առաջընթացի հետագա զարգացման համար։
• Մրցույթի հաղթող մասնակիցներին ներգրավել բիզնեսի և արդյունաբերության, ինֆորմացիոն տեխնոլոգիաների առաջատար ընկերություններում ու պետական կառավարման համակարգում՝ խորհրդատուների հետ աշխատելու, գիելիքները և առաջնորդական կարողությունները զարգացնելու ու կիրառելու համար։
• Աջակցել Մրցույթի հաղթող երիտասարդներին հաստատել նոր գործարար կապեր ։
• Յուրաքանչյուր տարի իրականացվող Մրցույթի շրջանակներում տնտեսության և պետական կառավարման ոլորտներում ձեռք բերած մասնագիտական ու առաջնորդման փորձի շնորհիվ ձևավորել երիտասարդ և մոտիվացված առաջնորդների նոր սերունդ։

3.      Մասնակցության պայմանները և մրցութային անվանակարգերը

• Մրցույթին մասնակցելու են հրավիրվում 18-ից 35 տարեկան ՀՀ քաղաքացիները և օտարերկրացիները։ Առանձին անվանակարգերում կարող են տարիքի և քաղաքացիության վերաբերյալ լրացուցիչ պայմաններ առաջադրվել։
• Մրցույթն անցկացվում է սոցիալ-տնտեսական, նոր տեխնոլոգիաների և պետական կառավարման ու այլ ոլորտներին առնչվող անվանակարգերում, որոնք յուրաքանչյուր տարի հաստատվում են Կազմակերպչի կողմից՝ Մրցույթի Հոգաբարձուների խորհրդի հավանությամբ։
• Մրցույթին մասնակցելու պայմաններն են․

• Առնվազն միջնակարգ կրթության առկայություն,
• առանձին անվանակարգերի համար կարող են սահմանվել լրացուցիչ պայմաններ՝ անվանակարգի ոլորտին առնչվող մասնագիտական կրթություն, օտար լեզուների իմացություն
• մրցույթին մասնակցությունը անվճար է։
• մրցույթի աշխատանքային լեզուն գրական հայերենն է։
  • մրցույթին մասնակցելու գրանցման պահանջները․
• մրցույթին մասնակցելու համար թեկնածուն պետք է գրանցվի Երևանի «Ռուսական գրքի տան» ինտերնետային կայք էջի` https://homerusbook.am «Գրանցման անհատական հայտ» բաժնում, լրացնի գրանցման հայտը և հաստատի իր համաձայնությունը մրցույթի կանոններին, ինչպես նաև անձնական տվյալների մշակմանը,
• գրանցման հայտում թեկնածուն ներկայացնում է մրցույթի մասնակցության պայմանների վերաբերյալ պահանջված տեղեկտավությունը, ինչպես նաև ընտրված անվանակարգի ոլորտում մասնագիտական զարագացման իր պատկերացումներն ու նպատակերը,
• թերի լրացված հայտերը չեն դիտարկվում։

4.      Մրցույթի կարգը և անցկացման ժամկետները

• Մրցույթն անցկացվում է երկու փուլով`

• 1-ին փուլ՝ թեկնածուների հայտերի ընդունում, թեսթավորում և համագործակից կազմակերպություններից խորհրդատուների հետ պլանավորած աշխատանքներին համարժեք մասնակիցների ընտրություն,
• 2-րդ փուլ՝ առաջնորդական կարողությունների զարգացում և մրցույթի հաղթողների ընտրություն։
  • Մրցույթի առաջին փուլում գրավոր թեսթավորման են հրավիրվում գրանցման հայտերի գնահատման արդյունքում ընտրված թեկնածուները։
  • Հայտերի գնահատումը իրականացնում է կազմակերպչի կողմից ստեղծված հանձնաժողովը։ Հանձնաժողովը կարող է պահանջել գրանցման հայտում թեկնածուների կողմից ներկայացված տեղեկատվությունը հավաստող փաստաթղթեր։
  • Գրավոր թեսթի գնահատման արդյունքում ընտրված թեկնածուները դիմում են ըստ նախընտրած անվանակարգերի համագործակից կազմակերպություններից առաջարկված աշխատանքերում ընգրկվելու համար։
  • Ըստ կազմակերպությունների մասնակիցների ընտրությունը իրականացնում է մրցութային հանձնաժողովը՝ Մրցույթի 1-ին փուլի ավարտին կազմակերպվող հարցազրույցների արդյունքերի հիման վրա։
  • Մրցույթի երկրորդ փուլում ընտրված մասնակիցները համագործակից կազակերպություններում խորհրդատուների աջակցությամբ սահմանված ժամկետում ներգրավվում են կազմակերպությունների կողմից պլանավորված և համարժեք աշխատանքներում՝ զարգացնելու իրենց առաջնորդական և կառավարչական կարողություններն ու հմտությունները։
  • Մրցույթի երկրորդ փուլի ավարտին համագործակից կազմակերպություններից խորհրդատուները իրականացնում են մասնակցի աշխատանքների, ցուցաբերած արդյունքների և վարքագծի գնահատում ։
  • Մրցույթի փուլերի ժամկետները յուրաքանչյուր տարի սահմանվում են Կազմակերպչի կողմից՝ Հոգաբարձուների խորհրդի հավանությամբ
  • Թեկնածուների հայտերի ընդունում՝ 01.04 – 15.05
    
  • Թեսթավորում և մասնակիցների ընտրություն՝ 16.05 – 30.06
  • Պրակտիկա ընկերություններում և պետական կառավարման համակարգում՝ 03.07 – 29.09
  • Մրցույթի հաղթողների ընտրություն՝ 2023թ․ հոկտեմբեր
    

5.      Մրցութային հանձնաժողովի կազմը

• Մրցութային հանձնաժողովի կազմը ձևավորվում է Կազմակերպչի կողմից և ներառում է անվանակարգերի ոլորտների փորձագետների ու համագործակից կազմակերպությունների ներկայացուցիչների։
• Մրցութային հանձնաժողովը հաղթողներին որոշելիս հաշվի է առնում առաջին փուլի թեսթի ու հարցազրույցների, համագործակից կազմակերպություններից խորհրդատուների գնահատականը և մասնակցի աշխատանքի արդյունքները։
• Մրցութային հանձնաժողովը յուրաքանչյուր անվանակարգում Մրցույթի երկրորդ փուլի մասնակիցներից գնահատման արդյունքների հիման վրա որոշում է մրցույթի հաղթողներին․
• Յուրաքանչյուր անվանակարգում հաղթող մասնակցին շնորհվում է 2․000.000 (երկու միլիոն) դրամ դրամական մրցանակ։
• Մրցութային հանձնաժողովի որոշմամբ բացառիկ հմտություններ և կարողություններ ցուցաբերած մասնակցին կարող է շնորհվել Մրցույթի հոգաբարձուների խորհրդի նախագահի հատուկ մրցանակ՝

• Կրթաթոշակ Հայաստանի կամ Ռուսաստանի լավագույն բուհերի կառավարման բակալավրիատում կամ մագիստրատուրայում սովորելու համար
• Աջակցություն գործող, նոր ստեղծվող բիզնեսի կամ աշխատանքային այլ գործունեության զարգացմանը։
  • Հանձնաժողովի որոշմամբ կարող են սահմանվել նաև այլ մրցանակներ։

6.      Մրցույթի հաղթողների պարգևատրումը

• Մրցույթի հաղթողներին և մասնակիցներին հանձնվում են հավաստագրեր, որում նշված է մրցանակային տեղը։
• Մրցույթի հաղթողներին պարգևատրելու արարողությունը կանցկացվի Երևանում:
• Մրցույթի հաղթողների մրցանակները ֆինանսավորվում են Կազմակերպչի կողմից, ինչպես նաև համագործակիցների կողմից կատարված նվիրատվություններից։

Հոգաբարձուների խորհուրդ

Ո՞րոնք են մասնակցության պայմանները

Մրցույթին մասնակցության պայմաններն են․

• Առնվազն միջնակարգ կրթության առկայություն,
• Առանձին անվանակարգերի համար կարող են սահմանվել լրացուցիչ պայմաններ՝ անվանակարգի ոլորտին առնչվող մասնագիտական կրթություն, օտար լեզուների իմացություն
• Մրցույթին մասնակցությունը անվճար է։
• Մրցույթի աշխատաքնքային լեզուն գրական հայերենն է։

Ի՞չպես է ապահովվելու մրցույթի անաչառությունը

Մրցույթի մասնակիցների և հաղթողների ընտրությունը իրականացվում է երկու փուլով։ Առաջին փուլում մրցույթին դիմած թեկնածուների հայտերի գնահատումից և թեսթավորումից հետո հարցազրույցների միջոցով ընտրվում են մրցույթի մասնակիցները։

Ընտրված մասնակիցները երկրորդ փուլում ներգրավվում են համագործակից կազմակերպություններում նախատեսված աշխատանքներում և հնարավորություն ունենում խորհրդատուների աջակցությամբ զարգացնելու իրենց մասնագիտական կարողություններն ու առաջնորդական հմտությունները։

Աշխատանքների ավարտին համագործակից կազմակերպություններից խորհրդատուների կողմից մասնակցի ձեռք բերված արդյունքների և վարքագծի, ինչպես նաև թեսթի ու հարցազրույցի գնահատման համադրմամբ մրցութային հանձնաժողովը ըստ անվանակարգերի ընտրում է մրցույթի հաղթողներին ։

Ի՞նչ արժե մրցույթին մասնակցությունը

Մրցույթին մասնակցությունը անվճար է։

Ի՞նչպես է իրականացվում մասնագիտական փորձառության ձեռք բերումը

Ընտրված մասնակիցները ներգրավվում են մրցույթի համագործակից կազմակերպություններում, որտեղ  խորհրդատուների աջակցությամբ զարգացնում են իրենց մասնագիտական կարողություններն ու առաջնորդական հմտությունները։

Մրցույթի շրջանակում կազմակերպվող վարպետաց դասերը նույնպես նպատակ ունեն աջակցելու մասնակիցների մասնագիտական զարգացմանը։

Ի՞նչ մրցանակներ են ստանում մրցույթի հաղթողները

• Յուրաքանչյուր անվանակարգում հաղթող մասնակցին շնորհվում է 2 000.000 (երկու միլիոն) դրամ դրամական մրցանակ։
• Մրցութային հանձնաժողովի որոշմամբ բացառիկ հմտություններ և կարողություններ ցուցաբերած մասնակցին կարող է շնորհվել Մրցույթի հոգաբարձուների խորհրդի նախագահի հատուկ մրցանակ՝
  • Կրթաթոշակ Հայաստանի կամ Ռուսաստանի լավագույն բուհերի կառավարման գծով սովորելու համար
  • Աջակցություն գործող, նոր ստեղծվող բիզնեսի կամ աշխատանքային այլ գործունեության զարգացմանը։
• Հանձնաժողովի որոշմամբ կարող են սահմանվել նաև այլ մրցանակներ։

Ի՞նչպես պատրաստվել մրցույթին

Մրցույթին մասնակցությունը լրացուցիչ պատրաստվել չի պահանջում։

Կ՞արող եմ մյուս տարվա մրցույթին ևս մասնակցել

Յուրաքանչյուր անձ մրցույթին կարող է մասնակցել միայն մեկ անգամ։

Հարցերի դեպքում ու՞մ կարող եմ դիմել։

Հարցերի դեպքում զանգահարել 055-100-666 հեռախոսահամարին կամ գրել էլ․ փոստ՝ [email protected] հասցեին։

Մրցույթի կարգի մասին կարող եք ծանոթանալ անցնելով հղումով սեղմելով՝ այստեղ: